Asajja Akompol ka MGMP Basa Madura

Are mangken kaula kalerresan nekkane onjangan ca-kanca kaangguy hadir dha' Papanggiyan MGMP Basa Madura SMP Negeri/Swasta se elampaagi e SMP 5 Sumenep, kalerrasan e tanggal lema bellas April 2026. 

Dhalem papanggiyan ka'dhinto, sadaja guru se kapareng pakon molang pangajaran Basa Madura pada areng-sareng agin-panggin sakancaan masodek kabadha'an tor pangesto kaangguy arabat tombu jurbuna Basa Madura. 

Sanaossa badan kaula, tamaso' anggota anyar. Ngoladi ca-kanca. Tombu rassa gumbira e dhalem ate. Margana sajjana aba' kaangguy metthek pangaonengan anyar kaangguy makoko pangatowan ngengenge basa Madura jugan olle atamba.

Arsip : Papanggiyan MGMP Basa Madura 

Akompol sakancaan akadi paneka, tantoepon aromasa bunga sarta nemmo kanca anyar e dhalem maodhar pangalebur dha' ka Basa Madura. Basa se eangguy masyarakat se badha e Polo Madura, otamana e Kottha Sumenep.

Bannya' tareka se eatorragi tor eoncarragi dha' sadaja guru sae se hadir otaba se maos bar-kabar e Grup WA MGMP Basa Madura. Salaen sapaneka, badhana panggiyan ka'dhinto kaangguy nekkane pangareb agabay sobal-sobal kaangguy ujian tor macemma addhuwan Basa Madura.

ꦥꦺꦥꦺꦤ꧀ (Pepen)

Basa e Dhalem Re-Saare : Angguta Kalowarga

TANTONA bannya' se kodu ekataowe na'-kana' ngodha, otamana basa se eangguy e dhalem kaodhi'an re-saare kaangguy nyebbut angguta kalowarga.  

Eatore oladi macemma sambadan kaangguy nyebbut angguta kalowarga e baba ka'dhinto.

Katerrangan : Gambarra angguta kalowarga

Juju'                 : embana ebu otaba rama 

Emba / agung : reng towana ebu otaba rama 

Oba'   : taretanna ebu otaba rama se towa'an

Eppa'   : buppa', rama oca' kasarra mamak

Ebu               : babhu', oca' kasarra embu'

Paman          : majadi' lake', basana : anom

(Ale'na ebu otaba rama) 

Lake : Raka 

Bine : Raji, Robiya

Ana' : Pottra 

Kaka' : emmak, (Raka, kaemmas)

Ale' : Raji (jaji')

Kompoy (ana'na ana') : baja

Sengko' : kaula, badan kaula 

Towa : Seppo

Ngodha : anom

Bhibbi' (majadhi' bine') : ebu

Peyo' : ana'na kompoy

Kareppek : ana'na peyo'

Ka'dhinto macemma angguta kalowarga se bisa eangguy e dhalem kaodhi'an re-saare. 

(Katerrangan e attas epetthek dhari buku Kosa Kata Basa Madura, anggidan Moh. Makhfud Ashadi dan Ghazi Alfarouk, terbi' 1992) 

꧁ꦲꦩꦲꦺꦤ꧀ꦏꦢꦶꦱꦑꦂꦢꦸꦭꦸꦏ꧀꧂

꧋ꦲꦺꦧꦗꦱꦺꦪꦁꦱꦩꦺꦴꦭꦺꦤꦣꦫꦶꦔꦗꦂꦧꦸꦭꦲ

ꦩꦲꦺꦤ꧀ꦏꦫꦺꦴꦩꦤꦠꦫꦺꦠꦤ꧀ꦱꦺꦥꦺꦤꦭ꧀ꦲꦺꦣ

ꦭꦼꦩ꧀ꦤꦸꦭꦺꦱ꧀ꦕꦂꦥꦤ꧀ꦩꦢꦸꦏ꧈ ꦲꦱ꧀ꦩꦤꦩꦡ꧀ꦠꦺꦴꦪꦸꦗꦭꦤ꧀ꦠ

ꦏꦼꦤ꧀ꦤꦼꦁꦔꦤ꧀ꦤꦩꦡ꧀ꦠꦺꦴꦪꦸꦧꦃꦔꦣꦭꦼꦩ꧀

ꦗꦭꦤ꧀ꦤꦲꦭꦶꦪꦸꦃꦭꦶꦪꦸꦃꦠꦥꦺꦲꦱ꧀ꦱꦿꦺꦲꦺꦲꦺꦴꦭꦢꦶ꧈

                       ꦩꦡ꧀ꦠꦺꦴꦪꦸꦠꦺꦴꦗꦸꦃꦲꦱꦺꦭ

ꦱꦲꦩ꧀ꦥꦺꦴꦤ꧀ꦤꦠꦤ꧀ꦢꦸꦏ꧀ꦏꦏꦺꦴꦩꦤꦏꦲꦸꦭꦲꦺꦥ

ꦫꦺꦔꦺꦩꦕꦼꦩ꧀ꦩꦣꦃꦲꦫꦤ꧀ꦱꦺꦱꦲꦺ꧈

ꦩꦡ꧀ꦠꦺꦴꦪꦸꦗꦸꦒꦤ꧀ꦲꦥꦫꦺꦁꦧꦸꦏꦸꦲꦁꦒꦶꦢꦤ꧀ꦤꦢꦶꦧꦶꦃ

ꦱꦺꦲꦧꦸꦭ꧀ꦲꦺꦴꦩ꧀ꦧꦸꦭ꧀꧈ꦲꦼꦩ꧀ꦧꦶꦃꦕꦼꦭ꧀ꦭꦼꦁꦗꦶꦩꦺꦴꦤꦺꦤ꧀ꦠꦂ꧈

ꦱꦏꦭꦁꦏꦺꦴꦁꦩꦡ꧀ꦠꦺꦴꦪꦸ꧋

꧇꧑꧓꧇ ꦄꦥꦿꦶꦭ꧀ ꧇꧒꧐꧒꧖꧇

ꦥꦺꦥꦺꦤ꧀

Rarengganna Tana Kerreng - Arach Djamaly

Nyare buku puisi anggidan Arach Djamaly, bak malaradda onggu. E Internet badha keya coma ta' lengkap. Mangkana e bakto ngaolle buku reya. Engko' ce' peragga. 

Bakto jareya badha se ngeshare e Grup WhatShapp, Guru Basa Madura. Badha se andhi' ku-buku anggidanna Arach Djamaly. Atamba senneng pole sabab buku reya gi' asli . Buku tolesan Arach Djamaly reya etoles ngangguy Mesin Ketik banne ollena fotokopian.

Badha pan-barampan puisi e buku reya. Korang lebbi, badha tellopolo dhuwa' puisi seeanggit Arach Djamaly.

Kabbi ngagali, ce' Arach Djamaly, pajat kasohor e Kottha Songennep menangka pamerte Basa Madura. Asareng Pa' Sukur Notoasmoro, e dhalem ngopene tombu jurbuna basa Madura ngangguy eja'an 73.

Kompolan puisi anggidan Arach Djamaly se badha e sengko' reya bul-ombulla "Rarengganna Tana Kerring ".

Essena puisi-puisina se badha neng e buku reya kabbi abasa Madura, sala settongnga puisi abul-ombul, Dhara Campor Mardha.

Puisi reya pajat ta' kera asing pole. Sabab, seggut ebaca sabban-sabban badha addhuwan maca puisi. Tantona buku reya parlo erabat ban arsip se kodu e saba' pateppa', bendher, ya?

Dhara Campor Mardha 

Mon badha bakto, senga' ja' kaloppae, ya. Baca keya tang carpan reya. Ngajum kaemba'an ka Na' Poto 

TAJJAN, 2026